بالله إرجع شوف وجه المدينة

بالله إرجع شوف وجه المدينة





بالله ارجع شوف وجه المدينه
تبكي شوارعها من اسباب فرقاكـ



حتى المباني من فراقك حزينه
الريح صوت ونبره الحزن شباكـ



والليل بيح في غيابك حنينه
ينشد نجومه وين طلعت محياكـ



برد وظلام ودمعته وسط عينه
راح يتلمس في زواياه يمناكـ



كنه طفل غاب الفرح عن سنينه
يشتاق لك ويحن لك ويترجاكـ



ياصاحبي صاحبك الله يعينه
محدن عرف وشلون حاله بلياكـ



عزيز نفس ولارضى بالغبينه
البعد يغبن والغبن كيف ينساكـ



من زود حبك صرت دمعه بعينه
يخاف تنزل ورجـوله توطاكـ



حال الفراق المـر بينك وبينه
يرمي حبال الوصل يمك ولاجاكـ



شاعر صدى حرفه يترجم انينه
يموت حـي لا فقد شرواكـ



هذا انا وجروح قلبي دفينه
تعال داو جرح القلب بلاماكـ



هذا انا ودموع عيني سجينه
هذا انا ياصاحبي لا عدمناكـ



ارجع بدونك بيض الايـام شينه
ياخي حرام ارجع ترى الكل يبغاك



بالله ارجع ضاق صدر المدينه
تبكي مبانيها من اسباب فرقاكـ